اميرات الجنه


اختى الحبيبه إذا كنتى زائره فاسجلى معنا ولاتفوتى فرصه احلى صحبه

وتذكرى المنتدى للبنات بس

وإذا كنتي عضوه فادخلى وشاركينا بمشاركاتك القيمة



اميرات الجنه الاصلى للبنات بس  
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخولت.اعلانى

شاطر | 
 

 إسكتشات مختلفه

اذهب الى الأسفل 
كاتب الموضوعرسالة
اميره الالماس
مراقبه عامه
مراقبه عامه
avatar

الجنس الجنس : انثى عدد المساهمات عدد المساهمات : 343
تم تقييمها تم تقييمها : 3
تاريخ الميلاد : 03/07/1996
تاريخ التسجيل تاريخ التسجيل : 10/04/2010
العمر : 22
الموقع : مصر أم الدنيا

مُساهمةموضوع: إسكتشات مختلفه   الإثنين ديسمبر 27, 2010 3:12 pm





بنيامين [size=18]
[size=12]... وفلسطين
المشهد الاول
منزل يهودى قديم .. يجلس الأب وحيدا وتبدو عليه علامات التفكير ، ويأتى ابنه حزينا باكيا .. ويدور بينهما الحوار التالى :-
الأب : بنيامين حبيبى .. لماذا تبكى ؟؟
بنيامين : ماما تقول أننا سوف نسافر إلى مكان بعيد .
الأب : ولكنه مكان جميل يا حبيبى .
بنيامين : وهل سنترك بيتنا ؟وأترك مدرستى ؟
الأب : ألم تشتك من قبل أن زملاءك فى المدرسة يعايرونك بأنك يهودى ؟
بنيامين : هذا صحيح يا بابا ولكن ..
الأب ( يقاطعه ) : فى البلد الجديدة التى سنرحل إليها ستجد كل زملائك من اليهود مثلك ، ولن يعايرك أحد بدينك
بنيامين : صحيح بابا ؟؟ ولكن هل سيكون بيتنا الجديد جميلا ؟؟
الأب : طبعا طبعا .. سيكون رائع وواسع جدا ومن حولة حديقة جميلة مزروع فيها أشجار زيتون رائعة ..
بنيامين ( فرحا ) : جميل جدا بابا .. متى سنذهب الى هناك ؟؟
المشهد الثانى
بعد عدة شهور من ذهاب الاسرة الى فلسطين
فى منزل يهودى به نافذة مفتوحه يظهر منها صورة للمسجد الاقصى .. يدور الحوار التالى بين ينيامين وأبوه
الأب : حبيبى .. لماذا تبكى ؟؟
بنيامين : وأنا عائد من المدرسة قابلنى طفل فلسطينى وقال لى أن هذه ليست بلدنا .. وأننا محتلين .. وأنهم سوف يطردوننا منها .
الأب ( بعصبية ) : ها ها ها ... وهل صدقته يا بنيامين ؟ وكيف يطردنا هذا الصبى الصغير ؟ ليس معه هو وأبوه أى سلاح ، ليس معهم سوى حجارة صغيرة لا تفعل شيئا ..
بنيامين : ولكن صديقى موشى أخبرنى أنه ذات مرة شاهد صبية صغار يجرون وراء رجل اسرائيلى كبيرويقذفونه بحجارة كثيرة حتى أصابوه إصابات خطيرة .
الأب ( غاضبا ) : لا تصدق هذه الحكايات .. فأنت أقوى منهم جميعا .. واذا ضايقك هذا الطفل مرة أخرى أخبرنى وسوف أمزقه أمامك ..
مضى بنيامين من أمام أبيه ولا زال الأب يتحدث قائلا : لن يستطيعوا فعل أى شىء إنها مجرد حجارة ..
المشهد الثالث :
بعد عشرون عاما
الان بنيامين الذى كان طفلا أصبح رجلا كبيرا وهو يجلس فى بيته فى فلسطين وياتى ابنه الصغير باكيا ويدور الحوار التالى :-
بنيامين : مالك يا حبيبى ؟ لماذا تبكى ؟
الابن : أخاف أن يسقط صاروخ من صواريخ حماس على منزلنا ويقتلنا ..
بنيامين : لا تخاف يا حبيبى انها صواريخ صغيرة تسقط فى الصحراء ولا تقتل احدا
الابن : ولكن يا بابا انها تستمر طوال النهار والليل
بنيامين : لا تقلق حبيبى هى مجرد ايام فقط وتعود الامور كما كانت ..
الابن : يقولون فى المدرسة ان المقاومة سوف تستمر حتى نخرج من هنا ..
بنيامين ( غاضبا ) : لا تقل مثلهم .. هذه ليست مقاومة انهم ارهابيون يحاولون افزاعنا لنترك أرضنا ولكننا لن نتركها أبدا ..
الابن : ولكن يا بابا .. يقولون اننا نحن من نقتلهم لماذا نقتلهم يا بابا ؟؟ وهل هذه ارضنا ام ارضهم ؟؟
بنيامين ( يحاول ان يبدو هادئا ) : حبيبى .. يبدو انك متعب .. لا تذهب الى المدرسة هذه الايام حتى تهدأ أعصابك ..
الابن : بابا ؟ هل ستشترى بيت جديد فى المانيا مثلما فعل والد صديقى ؟
بنيامين : لا .. لن نغادر هنا ابدا .. نحن لا نخاف منهم .. اذهب الان يا حبيبى لتنام ولا تفكر فى هذه الامور ..
ينصرف الابن حزينا خائفا
ويتحدث بنيامين الى نفسه بصوت عال قائلا :
ينبغى ان افكر فعلا فى شراء قطعة ارض وبناء منزل فى اوروبا فلم تعد الاجواء امنه هنا .. ولايمكن ابدا ان اعيش حياة هانئة مع صوت تلك الصواريخ التى لا تهدأ أبدا ...

__________________
المشهد مكون من 2 يهود
الجد( سمعان)
الحفيد( ليشع)
يدخل اليهودى الاول( الجد سمعان ) وفى يديه طبق صغير جدا وبه طعام وهو يأكل منه
وما ان يدخل حتى يجد حفيده ليشع يقرأ فى أحد الكتب
فيسارع بخباثه ويضع الطبق بجواره ويمسح فمه بكم القميص
ويتسلل الى ليشع قائلا :
بتعمل ايه عندك يا ليشع؟؟
ليشع مخضوض)انا بذاكر بذاكر يا جدى
الجد:بتذاكر ايه يا حبيبى
ليشع:تاريخ يا جدى
الجد :شاطر شاطر يا ليشع قول بقى يا حبيبى كده وسمعنى
ليشع: وفى عام 48 جاءت العصابات الفلسطينيه
وبدأت فى سرقة الاراضى الاسرائيليه وتشريد وطرد اصحابها اليهود منها
( كل ده والجد عمال بيهز دماغه بتأثر)
ليشع :يااااااه دول وحشين اوى يا جدى
الجد: اوى اوى يا حبيبى مش قلتلك كمل
ليشع:وكانت تجرى على ارض اسرائيل فى هذا الوقت انهار كثيره منها نهر النيل والفرات
العرب سرقوهم
وحطوا واحد فى مصر والتانى فى العراق
ليشع:ياااااه ونقلوا الميه دى كلها ازاى يا جدى
الجد: ما انت عارف يا حبيبى عددهم كبير
كل واحد مسك فى ايده جردل وفضلوا يحولوا فى الميه
ده حتى المؤرخ العظيم بتاعنا عذرا ابن قرفان قال
انه فى هذا الوقت بالذات فى مصر والعراق ازدهرت صناعه الجرادل يا حبيبى يا حبيبى دول حراميه
اللى خلاهم سرقوا الاهرامات مننا وقالوا انهم هم اللى بانينها
ليشع : على كده بقى ابو الهول بتاعنا
الجد : طبعا بتاعنا بس كان اسمه ابو داوود
ليشع : يا ولاد الذين دول والا اليهود
عشان كده يا حبيبى عاوزك تدعى معايا عليهم( ويقوم من مكانه )

وهو مديله ضهره على اساس ان ليشع هيدعى معاه
( فى هذا التوقيت يخرج ليشع من مكان التمثيل ويختبئ بسرررعه )
الجد: ما تدعى يا ليشع
ثم يلتفت وراءه ويمينا وشمالا ليشع ليشع
يا لهوى........ حتى ليشع سرقوه
_________________________________________

افطار للجماعه
بينما يتقابل رجلان
-إزيك يا حسانين
-إزيك يا محمدين
رايح فين
رايح أجيب فطار لروحية مراتي
مش عيب لما تقول على إسم مراتك للناس
أمال أقول إيه
لو حد سألك قول له أنا رايح أجيب فطار للجماعة
ماشي

السلام عليكم
وعليكم السلام
و بينما محمدين يمشي يقابله مخبر من أمن الدولة و يدور هذا الحوار
المخبر : إنت رايح فين
رايح أجيب فطار للجماعة
يا نهار أبوك إسود جماعة و بتقولها من غير حيا و لا خشا قدامي على القسم
و يدخل المخبر على الضابط
ظبطنا المواطن ده متلبس بإحضار الفطار للجماعة
الضابط : جماعة هاته بسرعة
يدخل المواطن الغلبان و يدور هذا الحوار بينه و بين الضابط
إسم الجماعة إيه ياله
لأ يا بيه ما بقولش على إسم الجماعة لحد
الضابط ينادي: يا أنبوبة خده خليه يقر على إسم الجماعة أصل باين عليه دماغه ناشفة
أنبوبة ينهال ضربا على محمدين و لا يزال يرفض أن يقول على إسم الجماعة
الضابط يتدخل قائلا :مش عاوز تقول إسم الجماعة خلاص بلاش طيب سؤال تاني إتفضل إسأل يا بيه
يا ترى إيه هو حجم الجماعة؟!!!!!!!
لا دإنت زودتها قوي يا بيه مقدرش أقول
الضابط ينادي على أنبوبة من جديد و مرة أخرى يفشل أنبوبة في الضغط عليه
الضابط : طيب سؤال أخير
إتفضل يا بيه
إمتى بتجتمع مع الجماعة
لااااااااااااااااا مستحيل السؤال ده
تفلت أعصاب الضابط و ينادي أنبوبة خده على الحجز
المواطن يقول ببراءة ممكن أكلم الجماعة علشان أطمنهم
الضابط يتهلل وجهه و يقول طبعا ممكن و يأمر أنبوبة بالتجسس على المكالمة لمعرفة هذه الجماعة
المواطن الغلبان يكلم الجماعة روحية مراته
أنبوبة يأتي يعود بخفي حنين الجماعة طلعت مراته..

_________________________________
شد حيلك يا تمساح !!
الأشخاص :: المدرس ، الطالب 1 ، الطالب 2 ، الطالب3
المدرس يدخل والطلاب جلوس ويبدأ في شرح الدرس ..
المدرس :: احنا النهاردة يا ولاد هنبدأ في دراسة مملكة الطيور ، وعاوزكم تركزوا معايا علشان هنلاقي ثدييات تشبه الطيور في تصرفات لكنها ليست طيور ، يعني مثلاً في حاجات بتطير لكنها مش من الطيور .. مين يعرفها ؟؟
الطالب 1 يرفع يده ويأذن له المدرس في الإجابة
الطالب1 : الخفاش
المدرس : برافو .. انت أبوك شغال إيه
الطالب 1 : مهندس
المدرس : شايفين ولاد المهندسين أذكيا ازاي ؟؟ برافوا يا بني
المدرس يواصل ..: وفي حاجات كمان بتبيض زي الطيور لكنها مش طيور حد عارف زي إيه
الطالب 2 يرفع يده ويأذن له المدرس
الطالب 2 : السلاحف ومعظم الزواحف
المدرس : برافو .. انت ابوك شغال إيه
الطالب 2 : دكتور
المدرس : شايفين ولاد الدكاترة أذكيا ازاي ؟؟ برافو عليك يابني
المدرس يواصل ..: ودلوقتي ندخل في درسنا وهناخد مثال لطائر حد كده يقول مثال
الطالب 3 يهب من مكانه وقد أخذته الغيرة من زميليه يأذن له المدرس على مضض
الطالب 3 يتلجلج فيحاول المدرس مساعدته .. : هاا!! أي حاجة بتطير .. مثال لطائر أي طائر ...
الطالب 3 : عرفتها .. التمساح
المدرس بغيظ شديد : التمساح !! نعم !! .. انت غبي ياد .. بقى في تمساح بيطير ؟؟ انت ابوك شغال إيه ؟؟
الطالب 3 : ضابط كبير في أمن الدولة
المدرس يقطع كلامه ويتحسس قفاه ثم يقول بتودد : بص ياحبيبي .. هوا التمساح لو شد حيله شوية ممكن يطير
--------------------

( ضد القانون)
الشخصيات : القاضى - المتهم خليفة - الحاجب
( تفتح الستار على القاضى وجلسة محكمة )
القاضى : نادى يابنى على القضية الاولى
الحاجب : القضية الاولى ( يدخل المتهم خليفة ويقف أمام القاضى )
القاضى : اسمك ايه يابنى
المتهم : اسمى ..!! ( ويضرب بكفه على رأسه ) إسمى .....!!
القاضى : مش فاكر اسمك واللا ايه ؟؟؟؟؟؟؟
المتهم : أيوه يابيه هاقول أهوه ..... إسمى خليفة يابيه أيوه خليفة خلف خلف الله
القاضى : سنك كام ياخليفة .......؟؟؟؟؟؟؟؟
خليفة : مش عارف والله يابيه ..بس هما قالولى انى أنا اتولدت ساعة ماحفروا القناة
القاضى : إيه ياخليفة انت هاتكدب دول حفروا القناة من أيام الخديوى اسماعيل
خليفة : لآ يابيه انت فاكر القناة اللى بيقولوا عليها قناة السويس لآ دى القناة اللى قدام بيتنا .
القاضى : خلصنى ياخليفة وقولى ايه تهمتك ....؟؟؟؟؟؟
المتهم : مش عارف والله يابيه هما اللى جابونى هنا .
القاضى : ( ينظر فى ملف ) : فى ملف القضية بيقولوا ان انت بنيت بيت بدون تصريح .
المتهم : أصل العيال كتير وهما وأمهم مش عارفين يناموا أعمل إيه يابيه ...؟؟
القاضى : انت عارف ياخليفة اللى يبنى بيت فى أرض زراعية بدون تصريح بيجراله إيه...؟؟
خليفة : إيه يابيه ؟؟؟؟
القاضى : حبس خمس سنين ياخليفة

(يخرج خليفة يتمتم بالكلام مع الحاجب ويغلق المسرح ثم يفتح مرة أخرى )
القاضى : نادى يابنى على القضية الاولى .
الحاجب : القضية الاولى ( يدخل خليفة )
القاضى : إيه ياخليفة ايه اللى جابك تانى ...؟؟
خليفة : مش عارف والله يابيه .
القاضى : ياخليفة بنيت البيت وقلنا عشان العيال وامهم يعرفوا يناموا تقوم تفتح شباك فى البيت ياخليفة
خليفة : الله ... امال البيت يتهوا ازاى يابيه ...؟؟
القاضى : ياخليفة انت عارف اللى يفتح شباك فى بيت كان مبنى على أرض زراعية بدون تصريح يجراله ايه ...؟؟
خليفة : لآ يابيه
القاضى : حبس عشر سنين
( يخرج خليفة يبكى ويتمتم بالكلام ويغلق المسرح ثم يفتح مرة أخرى )
القاضى : نادى يابنى على القضية الاولى .
الحاجب : القضية الاولى ( يدخل خليفة )
القاضى : ( بحدة وعصبية ) ايه اللى جابك تانى ياخليفة ....؟؟؟
المتهم : مش عارف والله يابيه
القاضى : كل حاجة مش عارف مش عارف ... ايه ده ياخليفة بنيت البيت وقلنا ماشى فتحت الشباك وقلنا ماشى ... لكن بتقفله ليه ياخليفة ...؟؟؟
المتهم : مش انتوا اللى قولتوا يابيه
القاضى : انت عارف ياخليفة اللى يقفل شباك كان مفتوح فى بيت مبنى على أرض زراعية بدون تصريح يجراله ايه ...؟؟؟
خليفة : إيه يابيه .
القاضى : حبس 15 سنة ياخليفة
( يخرج خليفة بجلبة وبكاء وصراخ ثم يغلق المسرح ثم يفتح )
القاضى : نادى يابنى على القضية الاولى
الحاجب : القضية الاولى ...( يدخل خليفة )
القاضى : ايه تانى ياخليفة ...؟؟؟؟؟؟؟؟
خليفة : وانا مالى يابيه كل شويه يجيبونى هنا مش عارف ليه ....؟؟؟؟؟؟؟
القاضى : مش

عارف .... انت بنيت البيت وقلنا ماشى وفتحت شباك وقلنا ماشى وقفلت الشباك وقلنا ماشى .... لكن تهد البيت
المتهم : مش انتو اللى قولتوا يابيه ...؟؟؟؟؟؟
القاضى : انت عارف اللى يهد بيت كان مبنى على أرض زراعية ومفتوح فيه شباك بدون تصريح يجرالوا ايه .........؟؟؟؟؟؟؟
خليفة : لآ يابيه
القاضى : حبس 20 سنة ياخليفة
( يسقط خليفة ملقى على الارض ويقوم القاضى وينحنى عليه )
القاضى: أنت مت واللا ايه ياخليفة انت عارف ان اللى يموت فى المحكمة بدون تصريح يجرالوا ايه ياخليفة .....؟؟؟؟؟؟







[/size]
[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاميره المسلمة
نائبه المديره
نائبه المديره
avatar

الجنس الجنس : انثى عدد المساهمات عدد المساهمات : 522
تم تقييمها تم تقييمها : 14
تاريخ الميلاد : 14/04/2001
تاريخ التسجيل تاريخ التسجيل : 05/08/2009
العمر : 17
الموقع : مصر ام البلاد

مُساهمةموضوع: رد: إسكتشات مختلفه   الخميس يناير 06, 2011 6:19 pm

انت عارف ان اللى يموت فى المحكمة بدون تصريح يجرالوا ايه ياخليفة .....؟؟؟؟؟؟



اه انا عارفه حبس 25سنه

ههههههههههههه




ملشاء الله استكشات تمووووت من الضحك

بصراااحه



جممييييييييله الله لا يحرمنا من ابداعتك وعجبني اووووي اوي الاخير احل واحد فيهم


الله لا يحرمنا من جمال مواضيعك الحلووه




ــــــــــــــــــــــــــــــــــــــــــــ♥~♥ـ تـــوقــــيعــــــي فــي مـنـتـدى امـيـرات الــجـنـه ــــ♥ــ~♥ـــــــــــــــــــــــــ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنه الرحمن
Admin
Admin
avatar

الجنس الجنس : انثى عدد المساهمات عدد المساهمات : 1092
تم تقييمها تم تقييمها : 48
تاريخ التسجيل تاريخ التسجيل : 05/08/2009
الموقع : ...............

مُساهمةموضوع: رد: إسكتشات مختلفه   الجمعة فبراير 04, 2011 1:54 pm



مشكوووووووره


استكشات جناااان حلوه اوي

اوي يا قمييله

تسلم ايدك رووووعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlamonta.lolforum.net
 
إسكتشات مختلفه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اميرات الجنه :: زهـرات متنـاثـرة-
انتقل الى: